Хүсэл эсвэл шаардлага?

Мөрөөдлийнхөө хэн нэгэнтэй учраад хайрлах бас хайрлуулахын жаргалыг санаж байна уу? Гэгэлзсэн, санасан, мөрөөсөл болсон үеүүд гоё. Хагацаж, салж чадахгүй бие биерүүгээ тэмүүлж, хамтдаа ирээдүйгээ төлөвлөж, замд таарсан бүхий л саад бэрхшээлийг цугтаа даваад.   

Гэнэт нэг өдөр хязгааргүй хайртай байсан хүнтэйгээ сэтгэл зүрхээрээ холбогдохгүй байгаагаа мэдэрч болох юм. Энэ мэдрэмжээ өөрөөсөө нууж, өөртэйгөө санал нийлэхгүй сөргөлдөж нэг үзнэ. Эцсийн эцэст сэтгэлд хайр биш дассан сэтгэл л үлдсэн болохыг олж мэддэг.

Хайртай хэвээрээ байгаа эсэхээ яаж мэдэх вэ гэх асуулт асуусан олон хүнтэй уулзаж байлаа. Зүгээр л дассан сэтгэлээрээ хоргодоод, болгох гээд хичээгээд байгаа хүмүүс үнэнийг хүлээн зөвшөөрч чадахгүй байгаа юм. 

Хэн нэгэнтэй хамт байх хүсэл чинь шаардлага болсон цагт хүн өөртэй итгэлгүй нэгэн болчихдог гэлтэй. Түүнээс хараат, тэр л байхгүй бол болохгүй, бүтэхгүй мэт санадаг юм шиг байгаа юм. Хүсэл болон шаардлага гэх хоёр асар ялгаатай хэрнээ тэдэнд адил шинж чанарууд ч байна. 

Цаг хугацаа өнгөрөхийн хэрээр хайрлахыг, хамтдаа байхыг хүсдэг байсан хүн чинь амьдралын чинь “шаардлага” болсон байдаг. Өөрөөсөө өөр хүнээс хамааралтай болчихно гэдэг сонин зүйл шүү. Айхтар хүсээд байхаар зүйл мөн юм уу?

Холдож салахаар боллоо гэхэд өөрийг чинь хүрээлж байсан хамгаалалт  үгүй болчихсон мэт санагдана. Энэ харин “хайр” биш шүү. Өнгөрснийг явуулахгүй гэж хичээсэн бас дассан сэтгэл л юм. “Хосууд дассан сэтгэлээр хамт байна гэдэг ирээдүйн аз жаргалыг хугасалж буй хэрэг” гэснийг хаа нэгтээгээс уншиж байлаа. 

Хайр хар эсвэл цагаан биш. Хайр харин саарал өнгөтэй. Сэтгэлд хайрын гэрэл байхгүй хэрнээ өнгөрсний төлөө хамтдаа байхыг чухалчлах зөв үү? Тэр гэрэл ахиж асдаг гэж үү? Эсвэл эд юмс шиг засаж, залруулж болдог юм уу? Яг өмнөхтэй чинь ижил биш ч хайр хаана ч ямагт байдаг. Харин та итгэж, нээлттэй л байх хэрэгтэй.  

Энэхүү постыг би ямар нэгэн утга учиртай, тодорхой төгcгөлтэй байгаасай гэж хүссэнгүй. Зүгээр л энэ мөчид бодогдсон бүхий л зүйлсээ сийрүүллээ. Мөн энэхүү бичвэрийг уншаад өөрийн чинь хайр сэтгэлийн харилцаанд ямар нэгэн өөрчлөлт гараасай гэж хүсээгүй юм шүү. Эцсийн эцэст таны харилцаанд хэн ч зөвлөгөө өгөх, та түүнийг нь авах эрхгүй. Учир нь хүн бүхний амьдрал өөр.   

Инээмсэглээрэй,

2015 оны 3 дугаар сарын 1

Сэтгэл өмөрч байна...

Би тэр мэдээг уншаагүй. Уншихгүй. Зургийг нь 2 секунд харчихаад ахиж надад харагдахгүй тохируулга дээр тавьчихсан. Хүмүүсийн амнаас сонсохнээ арай дэндүү гэхэд дэндүү хэрэг гарч...

Муу, муухай зүйлсийн талаар блог дээрээ бичдэггүй бас ахиж бичихгүй. Энэ удаад, ганц л удаа бичье. 

Хүн хүн биш, эх нь эх биш, эцэг нь эцэг биш.. Хайрлаж чадахгүй юм бол яах гэж төрүүлсэн юм бэ?? Сэтгэл өмрөөд, дахин дахин бодогдоод, бодох болгонд цээж хөндүүрлэн өвдөөд, байж суух газраа олохгүй байна. 

Бяцхан сахиусан тэнгэрт ямар буруу байсан гэж ингэж төгсөж байгааг үнэхээр ойлгохгүй байна. Ийм замаар буцаагад аваад явах байсан юм бол яах гэж, ЯАХ ГЭЖ гэгч энэ хорвоо гэгч бузар ертөнцөд түүнийг урьсан юм??!!

Хайрлан халамжилж, хүлээсэн үүргээ гүйцэтгэж чадахгүй, бэлэн биш, өөрийн бохирдсон тархиар аливааг шийдэх л юм бол битгий үр хүүхэд төрүүлээч залуусаа! Өөрт чинь биш юмаа гэхэд өөр бусад үрийн хүслэн болсон нэгэнд ивээл, аврал нь болон төрөг л дээ. 

Бие биенээ хайрлая л даа. Бас хүндэтгэе. Дор бүрээ бодолтой. Ёс бус зүйлийг таслан зогсоодог байя л даа. Хүмүүсээ?? Гуйя..

Цав цагаан цаас, өнгө алагласан цэцэгс, нүд алдам солонго, юунд ч үл  хязгаарлагдам тал, хөв хөх тэнгэр, хорвоогийн хамгийн тансаг үнэртэй адилтгаж болох ч эдгээр үгс тэр л гэнэн томоогүй ертөнцийг дүрслэхэд дүйж өгөхгүй байх шиг.  

Ариухан тэр ертөнцийг өөрт байх эцсийн хүчээ шавхан байж сүүдрээс хамгаалах ёстой биш гэж үү? Адгуус хүртэл төлөө яаж хамгаалдаг билээ дээ. Сана л даа. Бид нар чинь оюун ухаант хүн төрөлхтөн мөн биздээ? Адгууснаас ялгарах ганц л шинжээ гээхээр юу үлдэх юм бэ? Хүмүүсээ ахиад гуйя.. Хүнлэг чанараа битгий гээгээч..

Одоо тайван нойрсдоо гүнж минь. Харин чамайг хайрын дээдээр хайрлах аав, ээжид эргэн төрөөрэй. Хайр энэрэлд өлгийдүүлж сайн хүн болоорой. Тэгээд аз жаргалын дээд бүхнийг насан туршдаа эдлэж, мэдэрч амьдраарай.  УМ САЙН АМГАЛАН БОЛТУГАЙ.

2015 оны 2 сарын 27

“Өвлийг амжилттай давах” ажиллагаа

Хаврын эхэн сарууд гарчихсан хэрнээ хүйтэн байна. Хасах градус бидэнтэй ахиад хэдэн сар хамтдаа байхаар шийдсэн байна. Энэ албан ёсны мэдэгдэл шүү. Хэхэ..

Тэсгэм хүйтэнд заавал гадагш гарна гэлгүй дотор орчинд аятайхан зүйлс хийж болж байна. Нэг ёсны “ичээндээ” байхдаа сайхнаар мэдэрч болохоор 27 саналыг доор орууллаа.

• Ор чинь. Хөнжил, дэр, бас дахиад хөнжил... өр зүйл хэлэх шаардлагатай гэж үү?
• Гэртээ найзуудаа уриад дотор халаах зүйлс уунгаа хөгжилтэй тоглоом тоглох. Найз нөхөдтэйгөө хөгжилдөх арга дуусашгүй олон байгаа шүү.
• Уусан зүйлс толгойд чинь орсон байлаа гэхэд явах зам тийм ч урт биш шүү дээ. Буйдан дээрээсээ орруугаа. Тэгээд л боллоо.  
• Зөөлөн оймс.
• Ил гал болон халаагч.
• Ажлаа хийж байгаа юм шиг л зурагттай нөхөрлөх. Дуртай кино, нэвтрүүлгүүдээ үзээд байж дээ.
• Идэх. Идэх дуртай зүйлсээ нөөцлөөд хүссэн үедээ идэх.
• Гоё ном унших. Мэдээж орон дээрээ, хөнжлөө нөмөрч тухлаж байгаад.
• Нателла. Шоколадтай талх.
• Улаан виноны үдэш. Уруул, шүд чинь ягаан хүрэн туяатай болсон байх вий гэж санаа зовохгүй шүү дээ.
• Интернетээр дэлгүүр хэсэх. Гадагш гарах тоо цөөхөн ч гэртээ болох арга хэмжээнд зориулж авалгүй л яахав.
• Хоол хийх чадвараа сайжруулах. Хийж чаддаггүй байснаа улам ихээр ойлгох.
• Гэртээ өмсдөг чөлөөтэй, тухтай биеийн тамирын хувцаснууд.
• Интернет хичээлүүд харж байгаад гэртээ янзан бүрийн зүйлс урлах. Оролдож үзээд болохгүй бол яахав дээ. Төгс байх албагүй шүү.
• Өөрийн сошиал хуудаснуудад шинэ постууд нэмэх.
• Дуртай лаагаа асаагаад үнэрт нь жаргаж суух. Хэд хэдийг ч асаасан болж байна.
• HBO суваг. Үзэхийг хүсээж байсан ч амжаагүй олон кинонeуд ар араасаа гарах.
• Унтах.
• Амралтын өдрүүдэд хүссэн цагтаа сэрээд хүсэх юм бол иогийн хичээлд суухаар гадагш гарах. Иог хийхийг хүсэхгүй, гарахгүй байсан ч болно.
• Хайртай хүнтэйгээ эрхлэлдэх.
• Хайртай амьтнаа эрхлүүлэх.
• Хаа нэг тийшээ аялалаар очих талаар төлөвлөгөө гаргах.
• Өөр хотод байдаг найзындаа очихоор төлөвлөгөө гаргах.
• Халуун ус. Халуун шүршүүр.Халуун цай.  
• Гэрт чинь байгаа бүхий л бүлээн, дулаан зүйлс. Архитай шоколадны набор ч бас дажгүй шүү ;)

     Даарсан бас даараагүй бол...

   Инээмсэглээрэй,

2015 оны 2 сарын 26

Карма бол “Б”

Яг хаанаас нь эхлэхээ мэддэггүй ээ.. Энэ сэдвийн тухай олон өдөр дарааллан бодож байна. Бодох тусам батлах гэж байгаа мэт үйл явдлууд тохиолдох нь бүр гайхалтай. Хүн шиг сайхан “бүтэн” амьдрахын тулд өөртөө ямар зан чанарыг хамгийн ихээр наах хэрэгтэй вэ? Зөв бодол. Цагаан бодол. Уужуу дотор.

Миний хувьд нэр бүтэн, сэтгэл тэнүүн явахад амьд явсны хэрэг гарлаа гэж үзнэ. Бусдад хар буруу саналгүй, сэтгэл дотроо муу энерги агуулалгүй амьдардаг хүнийг гаднаас нь, нүднээс нь хараад мэдэрч болмоор санагддаг. Хорвоо дээр төрөх үнэн, үхэх ч үнэн, бас карма гэгч зүйл аймшигтай үнэн.

Хийсэн үйлийн сайн үр хурдан хугацаанд эргэн ирдэг бол олиггүйхэн үр хэзээ ч ирж магадгүй. Ирэхдээ өнгөрсний төлөөсийг хэд нугалуулахаар ирдэг ч байж магадгүй. Бусдад сайхан үг хэлэх, сэтгэлийг нь засах, инээмсэглэл бэлэглэх, аливааханаар туслах, орчин тойрондоо эерэг энергийг бий болгодог хүний зам мөр үргэлж шулуун, дардан байдаг юм шүү.  

Зам мөр өөдрөг бүтэмжтэй байх нь хэзээ нэгэн цагт таны тарьсан үр эргээд өөрт чинь шимээ өгч байгаан илрэл. Бүтэмжтэй байгаа зүйлс болгондоо талархаж, үнэ цэнийг нь үргэлж дотоо эргэцүүлэх нь цаашдын сайн сайхныг урин дуудах бас нэгэн арга гэлтэй.

Та битгий тоо, битгий гомд, битгий хүлээ, битгий хараа, битгий уурла. Ер нь бол бага зэргийн “тэнэгдүүхэн” байхад гэмгүй. Тэгэж байж энэ бачим хорвоод зөвөөрөө үлдэж чаддаг юм болов уу даа. Аливаа асуудалтай тулгарсан ч гүнзгийхэн амьсгаа аваад бодлынхоо цэгийг өөрчилж чаддаг байх нь одоогийн нийгэмд тун их хэрэгтэй.

Өөрийн болоод бусдын хувьд үнэн байна гэдэг бас их чухал. Хаана ч өөрийнхөө үнэн чанараар бахархдаг, бусдын үнэн чанарыг хүндэтгэдэг байвал зохимжтой. 

Харин юу хамгийн зохимжгүй гээч? Амаа хамхиж чаддаггүй байдал. Бусдын ярьсныг өөр бусдад дамжуулан ярих хамгийн муухай зан. Сэтгэлээсээ ярьсан яриаг, хэн нэгний эмзэг сэдвийг, бас бусдын нууцыг зөвхөн өөртөө агуулж чадахгүй бол анхнаасаа битгий сонс. Хувийн асуудлаа ярьж буй хэнийг ч болов “Та одоо чимээгүй болно уу, би таны ярьсныг чандлан хадгалаж чадахгүй ээ” гээд хэлэх хэрэгтэй.       

Нийгэмд хэн ч байсан гэсэн сайхан бодол дотроо тээсэн, үнэн, итгэлтэй нэгэн байхыг л эрхэмлээрэй. 

Инээмсэглээрэй,

2015 оны 2 дугаар сар 12

Юунаас ч илүү таашаал өгөх 11 зураг

Төгс зохицол, төгс мэдрэмж гэж үнэхээр байдаг. Аливаа жижигхээн зүйлийг хараад өөрт чинь "төгс" мэдрэмж төрж байсан удаа бий юу? :)

Доорх зурагнуудыг хараад танд ямар сэтгэгдэл төрж байна? Би лав анх үзээд "Яанаа арай дэнднээ, яагаад ийм төгс байх!!" гэж бодсон. Өөрт чинь ямар нэгэн мэдрэмж төрж байна уу? Эсвэл би ганцаараа байна уу? Хаха.. За ямар ч байсан үзээрэй. Ер нь бол OCD+Perfectionist өвчтэй хүмүүс л ойлгох байхаа даа. Лол..

1. Ммхм. Бид бие биенээ ойлгож байна

2. Бүр ямаррррр гоё гээч...

3. За болио боль хэхэ..

4. Би зүгээр л чамайг авмаар байна  

5. Ямар ч сайхан төгс юм дээ (Жилд нэг удаа, 11 цаг 11 минутад энэхүү хөшөөн дээр нарны гэрэл шууд тусахад та энэхүү гайхамшгийг харж болдог байна)

 

6. Би зүгээр л чадахгүй нь ээ

7. Ёоооё заза, бүр ингэх үү тэ?

8. Өөөө тиймэээ

 

9. Бүр инч бүрт нь тэ??

10. Мммммммххххммм....

  

11. Тиймээ хонгор минь, бид яг л нэг нэгэндээ зориулж хийгдсэн мэт

 

(Эх сурвалж: www.buzzfeed.com)

Инээмсэглээрэй,

 Nikki нь 

2015 оны 2 сарын 10