Лисагийн тухай

Өөрийн хүч чадлаар амжилтанд хүрч, алдар нэрээ дэлхийд тамгаласан хүмүүсийн түүхийг унших би дуртай. Нэн ялангуяа олонд танигдсан, бас танигдаагүй хүчирхэг эмэгтэйчүүдийн тухай уншиж судлахаар яалт ч үгүй бахархах, бишрэх, хүндэтгэх бас атаархах мэдрэмжүүд нэгэн зэрэг төрдөг.

Тэдгээр хүмүүсийн нэг болох Лиса Линг-ийн талаар энд бичье. Хятад гаралтай Америк бүсгүй Лиса Линг 1973 онд төрсөн. Өмнө нь Опра Винфрэй Нетворк, Нэшнл Жеографик сувгуудад ажиллаж байсан түүний амжилт бүсгүйчүүдийн дуртай The View нэвтрүүлэгтэй салшгүй холбоотой. Одоо тэрээр CNN  сувгаар “This Is Life” нэвтрүүлгийг бэлтгэн хүргэж байна. 

1920-иод оны үед Америкт цагаачлахаар ирсэн Хятад гаралтай түүний эцэг, эх нь Лиса-г 7 настай байхад гэрлэлтээ цуцлуулсан гэдэг. Түүний дүү Лаура нь мөн Америкийн алдартай хөтлөгч, найруулагчдийн нэг юм. Спайн хэлийг өөрийн эх хэл шиг эзэмшсэн тэрээр ажилласан байгууллага болгондоо шилдгүүдийн нэг нь байсаар иржээ. Ирак, Афганистанд болж буй дайныг газар дээрэс нь сурвалжлан, баримтат кино хийж байсан нь түүнийг олон хүндэт шагналын эзэн болгосон байна. 

Хойд Солонгост нэвтрэн хэний ч өмнө нь харж байгаагүй хаалттай нийгмийг дэлхийд танилцуулсан, Колумб дахь хар тамхины дайн, аймшигт MS-13 бүлгэмийн талаарх сурвалжлага, 2007 онд АНУ-н Виржиниа хотын сургуульд болсон аллага зэрэг анхаарал татахуйц нэвтрүүлгүүдийг хүргэж байсан. 

2009 онд Лиса болон түүний хамтрагч Юна нар Хойд Солонгост зөвшөөрөлгүй нэвтэрсэн хэргээр баривчлагдсан юм. Тэд Хятадын хилийн зурвас дагуу дүрвэгчдийн талаар нэвтрүүлэх хийхээр зорьж байсан нь тэр ажээ. 2009 оны 6 дугаар сард хийсэн хэргийнхээ төлөө Лиса болон Юна нар Хойд Солоногосын албадан хөдөлмөр эрхлүүлдэг шоронд 12 жил хоригдох ял авчээ. Гэвч 2009 оны 8 дугаар сард тухайн үеийн ерөнхийлөгч Билл Клинтон тэднийг суллахад дэмжлэг үзүүлснээр тэд эх нутагтаа эргэн ирсэн байна.  

Эмэгтэйчүүдийн эрхийн төлөө мятрашгүй тэмцэгч тэрээр 20 нас хүрэхдээ сэтгүүл зүйн чиглэлд чамгүй амжилтанд хүрсэн. Түүний талаар бас нэгэн сонирхолтой баримт гэвэл балчир охин байхдаа л хэзээ ч эр хүнээс хамааралтай амьдрахгүй, бас эдийн засгийн хувьд хэнээс ч хамааралгүй хүчирхэг эмэгтэй болно хэмээн өөртөө амлалт өгч байсан нь ч амьдрал дээр биелэлээ олсон юм.     

Лиса 30 насныхаа эхэн үед өөрөөсөө олон насаар ах, чинээлэг залуутай хайр сэтгэлийн холбоотой байжээ. Тэр үед хэтэрхий чинээлэг амьдралын хэв маягт амархан уусаж байгаагаа, бас өдий хүртэл хэрхэн махран ажиллаж амжилтанд  хүрсэнээ бодсоор байж. Холбоотой байсан залуу нь муу хүн байсандаа ч биш, гагцхүү бусдаас хамааралтай амьдрахыг хүсээгүйдээ тэрээр чинээлэг залуугаас хайр сэтгэлийн холбоогоо тасалсан хэмээн ярьсан байдаг.          

2014 оны 9 дүгээр сар 30

Дэлхийн төгсгөл ирж байна

Дээрх бичлэгийг үзээд бусадтай хуваалцахгүй байхын аргагүй санагдлаа. Бидний амьдрал, нийгэм хэрхэн өөрчлөгдөж байгааг сануулсан энэхүү видеог Монголоор орчуулснаа хүргэж байна.

"Дэлхийн төгсгөл ирж байна

Агаар нь бохирдож,  далай нь халдвар тараасан

Ан амьтад нь устан үгүй болж, эдийн засаг нь хямарсан

Боловсрол нь бууны суманд оногдож, цагдаа нь авилгалд идэгдсэн

Оюун ухаанаас нүүрээ буруулан харанхуй бүдүүлгийг шагнасан

Хүмүүс сэтгэлээр унаж бас уур бухимдлаар дүүрсэн

Бие биетэйгээ бүү хэл өөртэйгөө ч хамт амьдарч чадахаа больсон

Тиймээс хүн бүр ямар нэгэн эмчилгээ хийлгэсэн

Бид гудамжаар зөрөн өнгөрдөг

Бие биетэйгээ ярилаа гэхэд утгагүй робот харилцаатай

Улам олон хүн энэ насны утга учир, зорилгоос илүүтэйгээр

 Арван таван секунд үргэлжлэх алдар нэрийг хүснэ

Учир нь  зөвөөс илүүтэй алдар нэр л чухал болж

Үнэнээс илүүтэй рейтинг л чухал гэнэ

Засгийн газар нь сургуулиас 2 дахин илүү хорих анги барьж

Бургер авах нь алим авахаас илүү хялбар болж

Хайсаар олоод худалдаж авсан алим маань

Генийн өөрчлөлтөд орж, хэт боловсорсон байх болно

Ерөнхийлөгчид худал ярина, улс төрчид биднийг хууран мэхэлнэ

Арьс өнгө асуудал хэвээр байна, шашин шүтлэг ч мөн адил

Танай бурхан байдаггүй, харин манай бурхан байдаг гэнэ

Хэрэв санал нийлэхгүй бол өөрийг чинь хүйс тэмтэрнэ гэнэ

Бүр эсвэл үхтэл чинь энэ тухай маргана гэнэ

Радиогоор явж буй дууны 92 хувь нь сексийн тухай

Хүүхдүүд хөөцөлдөж тоглолгүй ёс бус видео тоглуулан үздэг болж

Дундаж хүн өдөрт 5 цаг телевиз үзнэ

Зурагтаар хэзээ хэзээнээс илүүтэйгээр хүчирхийлэл гардаг болж

 Хүсэж байсан бүгдийг маань технологи бидэнд өгсөн

Харин бидэнд хэрэгтэй байгаа зүйлсийг маань тэр оронд нь хулгайлсан

Бардамнал бүх цаг үеийн дээд болж, доромжлол тартагтаа тулсан

Бүгд л бүх зүйлийн талаар мэднэ, бүгд л хаа нэг тийшээ яарна

Хэн нэгнийг үл хайхран, хэн нэгнийг буруутгана

Хүн төрөлхтөн бус хүний бүтээсэн зүйл л үлдэж байна

Өнгөрсөнд хүн төрөлхтөн бус тэдний ул мөр л үлдэж байна

 Мөнгө гэдэг бузар булайгийн үндэс байсан хэвээр

Гэвч бид хүүхдүүддээ наад мэргэжлээ бүү сонго

Сайн цалин авч чадахгүй гэж сургадаг

Ашиг олсон тохиолдолд л гавъяатай үйлс хийлээ гэж үзнэ

Бусдын будилж буй бичлэг төд удалгүй алдартай болно

Бид инээн байж түүнийг үзээд, хамтдаа инээ гээд найз нөхөддөө үзүүлнэ

Өнөөдөр биднийг үлгэрлэж байгаа хүмүүс

60 жилийн өмнө бол эсэргээрээ байх байсан

Ондоо төрснөөсөө болоод хууль ёсны дагуу ялгаварлан гадуурхагдаж болдог газрууд ч байна

Компаниуд сая сая доллараар хэн нэгэн мэргэжилтнийг хөлслөн бяцхан охидыг үзэсгэлэнтэй байхын тулд тэдэнд будаг хэрэгтэй хэмээн итгүүлнэ

Тэдний өөртөө итгэх итгэлийг нэгэнт үгүй хийж

Сэтгэл ханам хөөрхөн байх нь боломжгүй зүйл гэж ойлгуулна

Боломжгүй стандартад хүрэхийг сануулна

Компаниуд биднийг худалдан ав, ав бас дахин ав хэмээн ятгана

Бусдаас хоцролгүй, тэдэнтэй адил бай гэж сануулна

Энэ нь чамайг аз жаргалтай болгоно гэдэг ч тэрхүү аз жаргал удаан хугацаанд үргэлжилдэггүй

Тиймээс энэхүү солирмоор эмх замбараагүй байдлыг засахын тулд юу хийх ёстой вэ?

Үүний шийдэл нь юу гээч? Энэ бол хайр

 Радиогоор явж буй дуртай дуун дээр чинь гардаг хайр биш шүү

Үнэнч, жинэхэнэ, хил хязгааргүй хайрын тухай ярьж байна

Бид хайрлаж чадна аа, бие биенээ хайрлаж чадна

Өглөө наран мандахаас орой наран жаргах хүртэл

Нинжин сэтгэлийг эрхэмлэж, үүнийг бусаддаа түгээн дэлгэрүүлж

Харилцаа бүрээ хянан цэгнэж

Сайн сайхны үрийг тарьж

Ердийнхөөс илүүтэй энэрэнгүй сэтгэлээр хандаж

Уучлан өршөөж чадна

Яагаад гэвэл олон жилийн дараа эргээд харахад найздаа, аавдаа, ээждээ санасан гомдол, өширхөл чинь үнэ цэнэтэй байх гэж үү?

Бусдыг өөрчлөх гэж оролдохын оронд өөрийгөө өөрчлөх хэрэгтэй бус уу

 Бид өөрсдийн зүрх сэтгэлийг өөрчилж чадна шүү дээ

Итгэж найдсан удирдагчид маань тархи угааж

Биднийг хууран мэхэлсээр байна

Ахан дүүсээ танихаа больтол

Уур хилэн, үзэн ядалт, балмад хэрцгийг дэлгэрүүлж байна

Жинхэнэ хайр байсан цагт уурлан бухимдах мөчид бид уужуу байж чадна

Үзэн ядалтыг энэрэнгүй сэтгэлээр, балмад хэрцгийг сайн үйлсээр ялан дийлнэ

Хайр гэдэг энэ ертөнц дээрх хамгийн хүчтэй зэвсэг

Роберт Кеннеди хэлэхдээ

Түүхийг нугалах агуу хүмүүс цөөн

Гэхдээ бид жижигхэн ч хамаагүй үйл явдлыг өөрсдийн хэмжээнд өөрчилж чадна

Тэдгээр хүмүүсийн энэхүү үйлдэл нь

Үеийн үед түүхэнд бичигдэн үлдэх болно

Тиймээ, дэлхийн төгсгөл ирж байна

Гэвч бүгдийг шинээр эхлэх зам зөвхөн чамаас эхлэлтэй"

2014 оны 9 дүгээр сарын 16 

Ив ижилхэн хүн

За ийм нэг зүйл бичье дээ. Энэ юу вэ гэхээр хүйсээ солиулсан мөн ижил хүйстнүүдийн тухай юм. Товчоор хэлвэл ЛГБТ хүмүүсийн тухай. 

Манайд өдий хүртэл эдгээр хүмүүсийн талаарх ойлголт маш муу байдаг нь их харамсалтай санагддаг. ЛГБТ хүмүүсийг бузар булай, ёсноос гажууд, нүгэлтэн гэх нь энүүхэнд юм даа. Тэр хүйсээ солиулж, мөрөөдлөө биелүүлж, зорилгодоо чин үнэнч байсан эмэгтэйг би лав хувьдаа маш их хүндэтгэж байна. Мөрөөдөл, зорилгодоо хүрэхээс айж хургаад гэртээ бүгэж суугаа өрөвдөлтэй амьтад л чаддагаараа компьютерийнхээ араас тэр эмэгтэйн зурагны доор доромжилсон сэтгэгдэл бичиж суудаг байхдаа. 

Ижил хүйстэн хүмүүст чинь харин сайхан зан чанарууд олон байдаг юм шүү. Бүр гайхмаар. Тэд бол хамгийн мэдрэмжтэй, хүнлэг, хөгжилтэй хүмүүс. Үүнийг уншаад “Энэ чинь ёстой мэдрэл муутай хүхэн байна даа, өөрөө тийм юм болов уу?” гэх хүмүүс манай нийгэмд үй олноороо байгаа, мэдэж байна. Хэрвээ та ингэж бодож байвал өөрөөс чинь асуух хоёр асуулт байна. Ер нь бусдын амьдралын хэв маягийг жигшин зэвүүцэх эрх өөрт чинь байгаа гэж үү? Тэр хүний сексийн сонирхол өөрт чинь ямар хамаа байна аа??   

Эрэгтэй+эрэгтэй, эмэгтэй+эмэгтэй хоорондоо хайр сэтгэлийн холбоотой байхад гажууд зүйл огтхон ч байхгүй гэж боддог миний хувьд. Тэдний амьдрах эрхийг дэмжиж хамгаалахгүй юмаа гэхэд ядаж битгий гай болоорой хүмүүсээ. Хэл амаар битгий доромжил, өөрийн тархины хэмжээгээр сэтгэж бүү дүгнэ. Тэднийг зүгээр л орхи.

Эрэгтэй, эмэгтэй хүмүүсийн холбооноос ч илүү бодитой, бие биедээ үнэнч, хайр халамжаар дутаалгүй маш олон жил хамтдаа амьдарсан ижил хүйстэн хосууд олон байдаг. Бидний мэдэх алдартнууд, жүжигчид дунд ч бий. 

Америкийн усан цэргийн албанд 20 гаран жил амжилттай ажилласан залуу халагдах өргөдлөө өгөөд хүйсээ солиулсан тухай нийтлэлийг саяхан олж уншсан. Залуу байхад өөрт нь эмэгтэйлэг мэдрэмж төрдөг байсныг дарах гэж цэргийн албанд орсон ч эмэгтэй хүн болох хүсэл нь хэвээр л байсаар байж. Ярилцлагандаа тэрээр “Би бусдын аз жаргал, эрх чөлөөний төлөө байлдсаар ирсэн, харин одоо өөрийнхөө төлөө амьдармаар байна” гэжээ. Түүний тухай нийтлэлийг эндээс уншиж болно.

За ямар ч байсан Никки гэдэг эмэгтэй ЛГБТ хүмүүст хүндэтгэлтэй ханддаг байсан, байх болно гэдгийг энэ бичвэр дээр бичээд үлдээчихье.

Инээмсэглээрэй,

Nikki нь,

2014 оны 9 сарын 9

20

Сүүлийн үед Фэйсбүүкээр өөрийнхөө тухай 20 баримт бичдэг нэг юм яваад байнаа? Би бас бичсэнийгээ блог-доо оруулчихъя. Учрыг нь ойлгоогүй challenge хийж байснаас энэ tag сонирхолтой санадсан. Найзуудынхаа тухай сонирхолтой баримтууд уншсан шүү. Миний хувьд: 

1. Эрх эргүүлж, маани уншиж чадна.
2. Их өвчин намдаагч ууж байснаас болоод бага зэрэг мартамхай болсон.
3. Өмнө нь айхтар хатуу хоолны дэглэм барьдаг байсан, одоо бол хоолны дэглэм гэж “юуийн”?
4. Гэр бүл Номер нэг. Үргэлж.
5. Ер нь бол, ихэвчлэн санасандаа хүрч, сарвайснаа авдаг. Лол..
6. Бороо, цас, зөөлөн салхи, тэнгэр хараад л сэтгэл хөөрчихдөг.
7. Зүгээр сууж чаддаггүй. Хийдэлгүй өнгөрөөчихсөн юм шиг санагдвал сэтгэлээр унадаг.
8. Хоол хийж, гэр цэвэрлэх дургүй болоод байгаа.
9. Хэнтэй ч, ямар ч сэдвээр ярилцаж чадна.
10. Харагддагаасаа өөр хүн. Хэхэ..
11. Франц хэл сурахыг хүсдэг ч оролдож үзээгүй.
12. Тавын тоонд дуртай. Надад дандаа аз  авчирдаг.
13. Рисктэй, аз туршсан зүйл хийх дургуй.
14. Иванка Трамп-д дурласан.
15. Бизнес, маркетингтэй холбоотой мэргэжил сонголгүй өөр мэргэжил сонго гэвэл бүжигчин юмуу мэдээний нэвтрүүлэгч болох байсан.
16. Энерги их мэдэрдэг. Муу хүн, муухай зүйлийг хурдан мэдрээд шууд зай барьдаг.
17. Бүх зүйлийг болно, бүтнэ гэж боддог. Цаг хугацааны л асуудал.
18. Цаг сайн барина. Хүн хүлээлгэх, хоцрох гэдэг асуудлыг үзэн яддаг.
19. Сав, баглаа, боодол ердөө ч онгойлгож чаддаггүй. (ундаа, ууттай чихэр, лаазалсан бүтээгдэхүүн г.м)
20. Кофег шингэн, хатуу, хөлдүү, дангаар, холимог гэх зэрэг бүхий л төрлөөр ууж, идэх дуртай. 

Инээмсэглээрэй,

Nikki нь,

2014 оны 9 сарын 4