Тэр охин..

...Энгийн, жижигхэн зүйлст ихээр талархдаг. Ажлынхаа завсарлагаанаар хөлөө ачиж суугаад, чихэвчээрээ дуу сонсонгоо аяга кофе уух бүртээ “LIFE IS GOOD” гэж хэлээд инээмсэглэдэг ...

...Аливаа мөчийг тархиндаа зураг авч байгаа мэт хадгалан үлдэж болдог болоосой гэж хүсдэг. Тэр богинохон яриа, сэтгэл хөдлөл, үйлдэл... 

...Бодлоосоо заримдаа айдаг. Бодол бүхэн нь биелчихдэг.

...Гэр бүлийнхнийгээ хажууугаас харж ажиглах дуртай. Яг л кино үзэж байгаа юм шиг... Тэдний хоорондоо ярилцахыг сонсох хөөрхөн байдаг... Тэдэнд ямар их хайртайгаа мэдэрдэг.

...Гудмаар алхаж яваад танихгүй бусдын яриаг сонсоод цааш нь ургуулан боддог... 

....Амтгүй хоол идэх дургүй. Хоосон калори идснээс идээгүй нь дээр гэж боддог. Пицца, амттан, шарсан хоолноос бол буцахгүй. Гэхдээ маргааш, нөгөөдөр нь хөнгөн хооллож, детокс хийхээ мэддэг. 

...Сайхан биетэй хүмүүст зүгээр л RESPECT гэдэг! Учир нь ямар их хичээл зүтгэл ордгийг биеэрээ мэдэрдэг учраас. 

..Үсээ хэзээ ч нойтноор нь самнадаггүй, гэмтээчихнэ гэж мэддэг ч үргэлж шахуу нойтон үстэй унтчихдаг :Р

...Өглөөг, Даваа гаригийг, сарын эхэн бүрийг чухалчилж авч үздэг. Юмны эхлэлийг зөв тавьчих юмсан гэж их хичээдэг.

...Хэт цэгцтэй, байх ёстой зүйл байрандаа л байх ёстой гэж боддог. Гэхдээ заримдаа утгагүй замбараагүй болчихдог.. Амралтын өдөр гэрээ цэвэрлэхгүй өдрийн 12 хүргэчихээр сэтгэл нь сайхан болчихдог.. хаха...

...Өөрийнх нь зүйлд зөвшөөрөлгүй гар хүрэхийг үзэн яддаг. Зүгээр л асуучих л даа. Плийййззз...

...Асуудалд заримдаа хэт серьёзный, заримдаа "ёо гай л байна, шийдэж ядаад байх юм биш" гэсэн хандлагатай....

...Бусдын ажил мэргэжил, ар гэр, амьдралын баталгаа нь ямар байх нь түүнд огтхон ч хамаагүй. Яагаад гэвэл тэр энерги мэдэрдэг машин л гэсэн үг. Хүнийг хүн утгаар нь хүлээж авдаг.. Тэр тийм нэг өөр төрлийн мэдрэмжтэй гэх юмуу... хэхэ.. Бөө дээр очих юм бол “Ө чи чинь өөрөө бөө юм байна шд” гэх байх гэж боддог.. лол

...Айлд гар хоосон ордоггүйг, айлаас ирсэн савыг хоосон буцаадаггүйг, өглөө босоод ороо цэмбийтэл хураадгийг, угаасан орны даавууг яаж эвхдэгийг заасан аав, ээждээ баярладаг.

...Зүг чиг тайлбарлахдаа ер нь сайжирч байгаа. 20 нас хүртлээ ертөнцийн баруун, зүүн, урд, хойд гэдгийг ялгадаггүй байсан.. хэхэ

Та миний энэ яриад байгаа охиныг таних уу? Тийм бол...

Инээмсэглээрэй,

2014 оны 12 дугаар сар 26  

Бас зорилттой байх юмаа

Шинэ он дөхөөд ирэхээр хүн бүр л илүүдэл жингээсээ сална, гэр бүлийнхэндээ илүү цаг зарцуулна, жинхэнэ хайраа олно гэх мэт за бараг л улиг болсон зорилтуудыг ирэх ондоо биелүүлэхээр тавьдаг. Зорилго зорилт, төлөвлөгөөгөө гаргалгүй л яахав. Гэхдээ ирэх оны хувьд зөвхөн өөрсдийн хувьд шинэчлэлтийг хийсэн он болговол ямрав? 2015 оны хувьд хүн бүр дараах зориултыг биелүүлэхэд харамсах зүйлгүй он болох юм биш үү?

Өөрийн сошиал мэдиа буюу олон нийттэй харилцах хуудсан дээрээ хэнд ч хэрэггүй, утгагүй зүйлс бичиж, постлохоо болих. Майли Сайрусийн үсний засалт, Жастин Биберийн шивээс, Гвинет Палтровийн хоолны дэглэмийн талаар юу гэж бодож байгаа чинь тэдэнд огтхон ч хамаа байхгүй шүү. 

3 хундага дарс уучихаад хөгжилдөө л биз. Маргааш нь юу хийснээ эргэж бодоод өөрийгөө зүхэх хэрэггүй. 

Амьдран сууж байгаа газраасаа холд. Аялалд яваарай.

Үзэн яддаг ажлаа хаях жил чинь энэ жил шүү.  Намайг дагаад хэл: МӨНГӨНӨӨС ИЛҮҮ ЧУХАЛ ЗҮЙЛ ГЭЖ БИЙ. Идэх хүнс, амьдран суух байранд мөнгө хэрэгтэй байлгүй л яахав. Тэглээ гээд өөр ажил хайж болохгүй юм байхгүй шүү дээ. 

Завгүй өдрүүддээ дасгал хөдөлгөөн хийж чадсангүй гээд битгий харамс. Харин завтай өдрүүддээ дасгалаа хийхээ бүү хойшлуул.

Экс-ээ уучилдөө. Гэхдээ эргээд нийл гэсэн үг  биш шүү. 

Хүмүүстэй дайсагналцахаа боль. Хэн нэгэнд буруу зүйл хийсэн бол уучлалт гуйгаад, өөрийг чинь хэн нэгэн гомдоосон бол уучилчих.

Өөрт чинь таалагдсан хүнтэй очиж мэндлээд, яриа өд л дөө. Бүхий л харилцаа мэндлэхээс л эхэлдэг биздээ. 

Хийж үзэхийг хүсдэг зүйлсээсээ хий. Онгоцноос шүхэртэй үсрэх, далайн гүнрүү шумбах, өөр юу ч байдаг юм. Эдгээрийг хийж чадахгүй байгаа шалтаг тоочхоо болиод одоо л хийж үз.

Хоолны дараа ганц нэг дессерт идсэнийхээ төлөө өөрийгөө бүү үзэн яд. Гайхалтай амттан идэх чинь эрх болохоос биш ямар ял юмуу.

Өдрийн тэмдэглэл ч юмуу хөтөл. Аливааг бичиж үлдээснийхээ төлөө сүүлд нь чи өөртөө талархах болно. 

Танихгүй хүмүүст тусла. Гэхдээ тэр тухайгаа ФБ дээрээ битгий л бичээрэй дээ. 

Оройн хоолны үеэр утсаа түр унтраагаад сурчихгүй юу. 

Найзуудтайгаа байхдаа Тфиттерээ дахин дахин битгий шалга л даа.

Уйл. Хүнд хэцүү үед, баяр жаргалтай үед аль алинд нь уйл. Сэтгэл хөдлөлөө илэрхийлж бай. 

Богино бодолтой байдгаа боль. Бусдыг гаднах төрхөөр нь бүү дүгнэ. 

Инээмсэглээрэй,

Nikki нь.

2014 оны 12 дугаар сар 23

Босс эмэгтэйн 17 зуршил

Эмэгтэй хүн гэдэг гоо үзэсгэлэн, төгс төгөлдөрийн хоршил. Бидний хийж бүтээж чадах зүйлсийн зах зухаас л бодоод үз л дээ. Бид жинхэнэ утгаар нь “амьдрал” гээч зүйлийг бүтээдэг шүү дээ. Босс эмэгтэй байна гэдэг өндөр өсгийт өмсчихөөд, Никки Минажийн дууг сонсох биш юм л даа. Босс эмэгтэй байна гэдэг өөрийнхөө хэн гэдэгт нүүр бардам байж түүнийгээ зарлан тунхаглаж, замд таарсан аливаа утгагүй жижиг зүйлд сатаарахгүй байх юм.  Доорх тодорхойлолтууд өөрийн чинь хувьд нийцэж байна уу? Тийм бол үүнийг уншиж байгаа та ч гэсэн “БОСС” эмэгтэй юм шүү. 

Ус/Гал

Бусдаас хатуу ширүүн зүйл сонсоод таны сэтгэл эмзэглэдэг ч тэдгээр үгс таны сэтгэл санаагаар лав унагаж чадахгүй. Учир нь тэдгээр зүйлсийг та өмнө нь ч гэсэн сонсож л байсан. Мөн та бусдад өөрийн бодлоо чөлөөтэй илэрхийлдэг. Илэрхийлэхдээ хэлэх үгээ сайтар цэгнэж байж хэлдэг. Хүмүүс өөрийг чинь “Шулам шиг Босс Хүүхэн” гэж нэрлэдэг ч та тэднээс түрүүлээд өөртөө энэ нэрийг өгчихсөн. Яагаад гэвэл та хэрхэн амжилтанд хүрэхээ мэдэж байгаа учраас нэр төдийхөн юу ч биш.

Өөрөө өөрийгөө бий болгосон

Та гэрлэх тал дээр яардаггүй.  Өөртэй чинь гэрлэснээр чиний бус цаад залуугийн чинь амьдрал гайхалтайгаар эргэх учраас.

Үзэн ядагчид

 Өөрийн чинь эсрэг байдаг хүмүүс таныг итгэл алдуулах бус харин ч хурцалж өгдөг.

#Филтэргүй

Та Бэёонсэ байна уу, өөр хэн нэгэн байна уу хамаагүй, өглөө босоод л өөрт байгаа зүйлсээ гайхуулан, өөртөө итгэл дүүрэн байдаг. Өөртөө итгэх итгэл гэдэг зүйлийг аль хэзээ өөрийн болгосон учраас хэзээ ч, хаана ч сэтгэл бардам байдаг.

Хайр сэтгэл

Өнгөрсөнд хөгийн амьтадтай учирч байсан ч тэд танд зөвхөн сургамж болоод л өнгөрсөн. Хайр сэтгэлээс болж “гансарч” сууна гэдэг таны хувьд тэнэг зүйл. Хүн бүдэрч унаад тэр чигтээ хэвтэрт ордоггүйтэй адил муусайн юмнуудаас болж та харин ч хүчтэй нэгэн болж хувирсан. 

Хамгийн шилдэг

Та ямарч нөхцөлд хамгийн шилдэг нь, эсвэл хэн ч биш байна гэсэн 2 дүрэмтэй. Замд тань таарсан бүхнийг даван туулах итгэлтэй.

Мэхийн ёсло

Өөрийн эрхэмсэг хатагтай гэдгийг мэдрэххийн тулд та заавал хаадын удамтай байх ёсгүй. Өөрийнхөө хатан гэдгийг мэдэх хамгийн гайхалтай арга юу гээч? Өөрийн чинь ойр орчимд байгаа эмэгтэйчүүдийг ч мөн үл үзэгдэх титмээ үргэлж зүүхийг та зөвлөдөг.

Ажил ажил

Та зүв зүгээр суугаад өөрт тань ямар нэгэн зүйл ирэх талаар мөрөөддөггүй. Мөрөөдлөө биелүүлэхийн тулд та ажилладаг. Өөрийн вант улсаа байгуулахын тулд та төлөвлөгөөтэй, шаргуу, цуцалтгүй ажилладаг.

Үргэлж босс биш

Секунд тутам босс байж чадахгүй гэдгээ мэддэг. Хэцүү өдрүүдэд та “өөрийгөө хайрлан халамжилж чадаагүй хүн бусдыг халамжилж чадахгүй” гэж хэлдэг. Бусад хүмүүс таны жинхэнэ босс гэдгийг хүлээн зөвшөөрдөг хамгийн гол шалтгаан бол та өөрийгөө хянах чадвартайд оршдог.

Өөрийнхөөрөө

 Бусдаас илүү гэдгээ мэдрэхийн тулд тэднийг үл хүндэтгэн гоочлох биш гэдгийг та мэддэг. Өөрөөсөө бусдыг доош хийсэн бүдүүлэг зан насанд хүрээгүй охидод л байдаг.

Гайхалтай санаанууд

Өөртэйгөө адил гайхалтай хүмүүстэй уулзахаараа та хэн нэгний талаар бус харин гайхалтай содон санаа бас мөрөөдлүүдээ ярилцдаг. Хов жив бус содон санаа, ирээдүйн талаар зөвлөлддөг.

Хуурамч найз гэж үгүй

Итгэл даахааргүй, бодлогогүй, хор найруулдаг найзууд чинь таныг их удаж ганц л хуурсан. Найз нөхдөөсөө хөндийрнэ гэдэг сайшаалтай зүйл биш хэдий ч худал хуурамч хүмүүсийг хасч, оронд нь өөртэй чинь дүйцэхүйц хүндлэл хүртдэг хүмүүсээр та хүрээлүүлдэг.

Огтхон ч тоглодоггүй

Болзооны тал дээр та шударга бас залуугаасаа юу хүсэж байгаагаа мэддэг. Тэдэнтэй та ердөө тоглоом тоглодоггүй. Учир нь та бол нас биед хүрсэн эмэгтэй бөгөөд зөвхөн мессежний хариу илгээх гэж залуугаа 2 цаг хүлээлгэдэггүй. Хэрэв залууд чинь таны хайж байгаа зан чанар байгаа бол гайхалтай. Байхгүй бол, баяртай!

Ямар ч тохиолдолд бэлтгэлтэй

Энэ заяасан ганцхан биеэ хэрхэн халамжлахаа та сайтар мэддэг бас түүнд хэрхэн хүндэтгэл үзүүлэхээ ч ухамсарладаг.

Ганц бие байна уу? Асуудалгүй

Ганц бие байна гэж гансарч суух завдал тань байдаггүй. Учир нь ганц бие байхын сайхнуудыг амтлаад л явж байна шүү дээ. Тэр чинь л АМЬДРАЛ.

Эерэг зүйлд итгэдэг

Аливаа ажил болж бүтэхгүй байлаа ч та болгохын төлөө хамаг хүчээ дайчилдаг. Эцсийн дүн нь бүтэхгүйгээр дуусах ч та болгох гэж оролдоод үзсэндээ сэтгэл хангалуун байдаг. 

Уучлалт

Өөрийнхөөрөө байсандаа та уучлалт гуйх гэж яардаггүй. Бусдын саналыг сонсож, шүүмжлэл хүлээн авах ч, та тэндээс өсөж дэвших боломжийг олж хардаг болохоос биш уучлал гуйх талаар боддоггүй. 

Эх сурвалж: www.thoughtcatalog.com –с хөрвүүллээ.

Босс эмэгтэй та...

Инээмсэглээрэй,

Nikki нь.

2014 оны 12 дугаар сар 16

Нугасны муухай дэгдээхэй

Би нугасны муухай дэгдээхэй байсан. Хаана ч, хэнд ч хэлнэ :)

Яагаад гэхээр тэр нугасны муухай дэгдээхэй байгаагүйсэн бол өнөөдрийн “би” энэ бичлэгийг бичээд суухгүй байсан. Энэ бичлэгийг бичигч нь өөрийнхөө гадаад төрхийг хүлээн зөвшөөрч, хайрлана гэдгийг аялалын уртад суралцсан юм. 

Арван жилийн дунд ангид суралцаж байх үедээ өөрийнхөө гадаад төрхийг хамгийн ихээр шүүмжилж боддог байсан. Ялгаагүй эмэгтэй хүн бүр бяцхан охин байхдаа тэр мэдрэмжийг дайран өнгөрдөг байж болох юм. Шалтгаангүй жин нэмээд л, шилжилтийн насанд тохиолддог бүхий л үеийг дайрна. Өөр бусад нь хичнээн  “чи хөөрхөн шүү” гэж хэлээд  толиноос тэрхүү “хөөрхөн” охиныг олж хардаггүй үе байсаан байсан.

Нүүрээ хараад гоочилж, биеэ хараад итгэл алддаг байсан тэр нугасны муухай дэгдээхэй ямар ирээдүйг харах биш дээ. Гагцхүү нөгөө л айхтар цаг хугацааны асуудал гэдгийг тэр  яаж мэдхэв. Зөвхөн харагдах байдал бус өөрийгөө хайрлаж, хүлээн зөвшөөрч, өөртөө итгэх итгэл гол гэдгийг тэр үед  түүнд хэн ч тайлбарлаагүй байж.

Гэхдээ учраа олохгүй ганцаардсан охины  тухай гунигтай кинон дээр гардаг шиг зүйл ч болоогүй л дээ. Хэхэ.. Төд удалгүй л өөртөө итгэх итгэл гэдэг зүйлийг таниад, олоод авчихсан. Яаж гэж үү? Тэр их уншсан. Олон төрлийн ном, сонин, сэтгүүл, ишлэл маш ихээр уншсан. Тэгэж байтал амьдралыг үзэх үзэл аяандаа тогтоод ирэхийн цагт өөрийн үнэлэмж гэдэг зүйл наалдаад ирэх шиг л болсон. Одоо бол тэрхүү үнэлэмж нь өөрчлөгдөхгүйгээр тогтожээ.

“Энэ хорвоод хүн өөрийгөө олдоггүй, харин бүтээдэг” гэдэг үгэнд би их дуртай. Байшинг хэрхэн барьдаг билээ, түүнтэй л ижил. Тоосго өрөөд байшингаа босгодог шиг хувийн чанарууд дээрээ өөрийн болгохыг хүсдэг характер, дадал зуршлуудаа нэмнэ гэсэн үг. Миний хувьд ийм замналаар өөртөө итгэх итгэлийг бий болгосон гэх үү дээ.  

Өөртөө итгэх итгэл дээр нэмээд эмэгтэй хүнийг сайхан харагдуулдаг хэдэн зүйл байдаг. Хамгийн эхнийх нь ус. Гэнэт юун ус вэ гэж бодож байна уу? Тэгвэл шалтгааныг нь дурьдъя. Өдөрт хангалттай хэмжээгээр ус ууснаар эмэгтэй таны арьс, үс, хумс эрүүл байхын үндэс болж өгдөг юм шүү. Миний хувьд усыг их хэмжээгээр уудаг дадалтай болоод хэр удаж байгаагаа ч мартчихаж. Уухгүй байх тохиолдолд усгүйдэж байгаагаа лав мэдрээд байдаг юм.

Мөн сайхан харагдахын бас нэгэн үндэс нь сайхан алхаа гэж би хэлнэ. Хараа дээгүүр, нуруу эгц, итгэлтэй сайхан алхаж байгаа хэн ч гайхалтай харагддаг шүү дээ. Нэмээд нүүрэндээ инээмсэглэл тодруулчих.  Гайхалтай!

Өөртөө итгэлтэй, харц дээгүүр, инээмсэглээд алхаад байгаарай охин минь! Бас ямар ч үед хошигнож, инээж чаддаг байгаарай. 

Nikki нь.

2014 оны 12 дугаар сар 9