Эрчүүддээ зөвлөх нь (зөв бичгийн дүрэмгүй пост)

За ёстой уууушлаарай, сайхан эрчүүддээ хэдэн сайхан зөвлөгөө өгчүл яадын бол? Эрэгтэй, эмэгтэй хүмүүсийн харилцааны тал дээр доорх хэдхээн зүйлсийг анхааралдаа авчуул та нар минь бүр л гоё болох гээд байна л даа. Халамжтай бай, түүнийг сонс, энхрийлээрэй гэдэг зөвлөгөөнүүд бол байдаг л, өөрсдөө ч мэддэг байх. 

So, хамгийн түрүүнд. Битгий муухай том том ярьж бай тэхүү? Дөнгөж үерхэл, дурлалын амтыг анхлан мэдэрч байгаа хөөрхөн жоохон охидуудад л наад яриа чинь сүртэй сонсогдох байх. Хүн хүнээрээ, байгаагаараа л бай л даа. “Тийм бизнесстэй, тэгэж анд явж тэдэн амьтан алаад, ийм ч машин Америкаас захиад, тийм ч уурхайтай” бла бла бла.... Ёооо, бүр ядаршлаа вайна. Өөрийгөө дөвийлгөх гэсэн балай яриагаа эрчүүд дундаа л ярь, эсвэл бүр битгий ярь. Өөрийн гэсэн бодолтой эмэгтэйд үг биш үйлдэл сонин санагддаг юм шүү.

За болзлоо, хаа нэгтээ ресторанд ч юмуу уулзлаа. Гэтэл тэр газрынхаа үйлчлэгчтэй битгий балиар хүндлэлгүй харьц тэхүү? Ёстой муухай харагддаг юм шүү. Би бүр нүдээрээ харж байсан. Эмэгтэйтэйгээ худлаа наалинхаатаж байснаа үйлчлэгчтэй үрчийж харьцана гэдэг бол угтаа ямар хүн гэдгийг чинь л хэлээд өгч байгаа юм.

Байгаагаараа байна гэдэг чинь их үнэт зүйл юм шүү дээ. Бүсгүйтэйгээ хоёулаа байхдаа нэг л их бодь хүн. Найзуудтайгаа уулзангуут эсэн бусын хараал хэлсэн хачин амьтан болоод хувирчав. Аймар цочирддог юм байна лээ шүү.. хаха.... Хараал хэлдэг бол хэлдгээрээ л бай, тэр чигээр чинь хүлээн авах толгой нь эргэсэн амьтан байх ч юм билүү. 

Цэвэрч байдал маш чухал шүү. Аа гэхдээ бас “Яанаа нян бактери, хөдөө явах муухай, шороо тоос..” бла бла гэхгүй. Үүнийг зөвлөж байгаа бараг л илүүц байх. Хөлс, шороо тоосондоо хутгалдсан баки биетэй залууд дуртай эмэгтэй кинон дээр л гардаг байх. Цэвэрхэн, сайхан үнэртэй залуу цаанаа л гоё.

За хамт кино, клип, жүжиг үзэж байгаад “энэ ёстой тас хүүхэн шүү” гэж битгий уулга алд тэхүү? За ёстой уушлаарай, ёстой тэнэг сонсогддог. Киноноосоо гарч ирчихээд найзуудтайгаа тэр жүжигчин хүүхний хиймэл хөхний талаар битгий дахин дахин ярьж бүр унтраа тэхүү?  

Бүсгүйгээс чинь дуудлага юмуу мессеж ирсэн тохиолдолд тэр дор нь хариу бичиж бай. Энэ бол алтан дүрэм.

Өнгөрсөнд өөрийгөө хичнээн аймар атаман байсныг, хэр их архи ууж чадхаа ярих гэж байгаа бол зүгээр наад амаа тат. Ёоооо... бүр уушлаарай. 30 хүрэх гэж байж тийм зүйл ярьсаар байгаа залуучууд мэр сэр байдаг юм байна лээ. Арван жилээ алгасаад төрциймүү хаашайн.

Эмэгтэйнхээ гадаад байдлын талаар ХЭЗЭЭ Ч. БИТГИЙ. МУУ. ЗҮЙЛ. ХЭЛ! Тэр ямарч харагдаж байж болно. Хэлэх гэж байсан үгээ зүгээр буцаагаад залги за.

Төгс Бурхан Будда шиг байгаадах гэсэнгүй ээ. Хэтэрхий муухай харагддаг зүйлсийг л жагсааж бичлээ. Яахаа өөрсдөө мэд.

Инээмсэглээрэй,

Nikki нь.

2014 оны 4 дүгээр сар 29  

Үнэ цэнэ

Яагаад, яагаад бид аливаа зүйлийн үнэ цэнийг хожимдож мэдэрч, ухаардаг вэ? Амьдрал гээч сургуулийн сурагчид хэзээ ч төгс боловсордоггүй юм уу? Дандаа хожимдож  ухаардаг нь жам юм уу?

Хажуудах хүнийхээ үнэ цэнийг мэдэрдэггүй, байгаа зүйлсдээ талархаж мэддэггүй муухай занг яаая даа байз. Надад олдсон тэр нэгэн “боломжоос” болоод амьдралыг арай өөр өнцөгөөс харж, өглөө болгон сэрэхдээ талархаж сурсан л даа. Гэхдээ зарим үед амьдралыг хэтэрхий хиймэл, баригдмал, өнгөцөөр хүлээн аваад байх шиг. 

Өөрийнхөө жижигхээн ертөнцөд түүртээд, алсын барааг ширтэхээ мартаад байх шиг.

Пэээ,  ямар гүнзгий юм бичжийнаа энчодоо.. хэхэ... Гэхдээ үнэн биздээ? Өнөөдөр л гэхэд миний нүд өвдөөгүйсэн бол би нүдэндээ талархаж, түүнийгээ хайрлан хамаагалах талаар бодохтой манатай л явах байлаа шд. Харааны эрхтэн үнэхээр сандаргадаг юм байна. Одоо би эмнэлэг явлаа. 

Арай ч дээ гэмээр биеэ гаргуунд хаядаг, эрүүл байхын үнэ цэнийг ойлгоогүй хүмүүс байна байна. Тэр нь бас атаархмаар. Би бол хөгшрөөд өвдөх байсан өвчнүүдээ бүгдийг нь урьдчилаад аваад бараг дуусаж байгаа байх хэхэ. Энэ махан бие гэдэг чинь хэрэглэх хэмжээ хязгаартай бидэнд ирдэг юм ш дээ. Та өөрөө өөрийгөө л гэхгүй бол хэн ч бүр хэн ч чамайг өөр шиг чинь хайрладаггүй юм шүү. Өвдөөд хэвтлээ гэж бодоход эцэг эх чинь л торойгоод үлддэг юм байна лээ шүү хажууд чинь. Төрүүлснийхээ төлөө хичнээн ч лай үүрэх билээ дээ. Ядаж л дор дороо биендээ хямгатай байя л даа хэдүүлээ.

Заримдаа эргээд бодоход энэ биеийг бас л гамгүй авч явсан байгаан шүү. Аяаяа.. хооллож ундаллахгүй, дааруулж хөргөж, ядрааж, зовоож бас хордуулж. Мөнх юм шиг л аашилсан байгаа юм.  Гэлээ гээд яаая гэхэв, харамсаад юуг ч өөрчилж чадахгүй. Харин урьдчилан сэргийлж бол болно.

Идэр 9-н хүйтнээр нойтон үстэй, толгойноосоо уур савсуулаад гэрээсээ гарч яваа хүнийг хараад “Битгий л дээ, ядаж малгай өмс л дөө” гээд очоод гуймаар санагддагийн. Нэг удаа бүр гуйж байсан, “солиотой юмуу хаашайн, чамд ямар хамаатай юм” гэсэн харцаар хараад л өнгөрч байна лээ хэхэ.

За please please, наад биесээ битгий хэт гаргуунд гарга. Хайрлаж, халамжил. Тоохгүй байлаа гэж бодоход хэзээ нэгэн цагт заавал үр дагавар нь гарч ирдэг юм шүү за.

Инээмсэглээрй,

Nikki нь.

2014 оны 4 дүгээр сар 28

Ирээдүйн ханьдаа бичих захидал

Аль хэзээ л захидал бичсэн байх ёстой байснаа мэдэж байна аа хайрт минь. Уучлаарай? Намайг энэ хорвоо дээр байхгүй юм байна, олдохгүй юм гээд гомдож суугаа юм биш биз? Үгүй ээ, огтхон ч тийм биш. Би чинь байгаа шүү. Газрын хаанаас ч хайгаад эрээд олдохгүй, ховор нандин зүйл мэт санагдавч би нь маш ойрхон байна. 

Булан тойроод ч юмуу, эсрэг талын чинь байранд ч юмуу, Фэйсбүүк дээр ч юмуу, эсвэл оффис-д чинь, бүр эсвэл ойролцоох кофены газар чиний огт танихгүй би сууж байна. 

Бид 2 хаа нэгтээ бие биенээ харсан эсвэл аль нэг парти-н дээр хальтхан зөрөлдөөд өнгөрсөн ч байж болох юм. Сая Твиттер дээр чиний бичсэн зүйлийг гүйлгээд өнгөрүүлсэн ч юм билүү. Бидний цаг л ирэх арайхан болоогүй бололтой. Чи минь санаашран гайхаж байгааг би мэдэрч байна аа.  

Чи минь ингэтлээ удаан хүлээж, сохроор янзан бүрийн болзоонуудад явж, таалагдахгүй онцгүй сексийг мэдэрч, “за яахавдээ л” гэмээр харилцаанд байж, өөрийгөө ойлгуулж чадалгүй ганцаардан уйлж, шөнө дэрээ тэврэн унтаж байгаа чинь огтхон ч шударга биш шүү дээ. Намайг уучлаарай хайрт минь. Чамд минь тайлбар хэрэгтэй. Тиймээс би доорхийг бичлээ. Би эдгээрийг өөрөө ч хүлээн зөвшөөрч чадахгүй байсан учраас чамдаа тайлбар хийж чадалгүй удчихлаа, гэхдээ бичсэн болгон минь үнэн юм шүү.

Бидний уулзалдаж амжаагүй байгаа шалтгаанууд (Ямар нэгэн дэс дараалалгүйгээр):

• Чи минь яг ямар хүн байх талаар би тодорхой бодоогүй, мөрөөдөөгүй, бичиж төлөвлөө ч үгүй.
• Би яг одоо буруу хүнтэйгээ байна.
• Би хязгааргүй хайрлуулахад бэлэн биш байна.
• Би хайр сэтгэийн талаар бодохгүйн тулд өөрийгөө албаар хэт завгүй байлгаад байна.
• Өөрийн юунд дуртай, дургүйг сайтар мэдэж авахын тулд би илүү олон болзоонд явах хэрэгтэй юм шиг байна.
• Ямар нэгэн хэцүү зүйлтэй тулгарахаас нааш чинийхээ үнэ цэнийг сайтар мэдрэхгүй л яваад байна.
• Би өөрийн хүсэл, сонирхолд л хамаг анхаарлаа төвлөрүүлээд байна.
• Миний зүрх сэтгэлд мэдрэгддэг гайхалтай сайхан зүйлсийг хэрхэн амьдрал дээр бий болгохоо би мэдэхгүй байна.  

Би ч тийм айхтар төгс хүн биш л дээ, заримдаа өөрийнхөө хэн гэдгийг ч ойлгохгүй үе байдаг л юм. Хэрвээ бид 2 уулзвал чи надад шууд л дуртай юмуу сайн болчихно гэж боддоггүй. Гэхдээ чи бид 2 ганц нэг удаа уулзсан ч байж магадгүй, тэгээд дээрх шалтгаануудын улмаас эргэж холбогдоогүй байж болох юм тийм ээ?

Хонгор минь тэвчээртэй байгаарай. Би чамруугаа явсаар л байгаа шүү. Тийм учраас миний хаана байж болох эсвэл хаана байж болохгүй талаар битгий их бодоорой. Харин чи минь өөрөө л аз жаргалтай сууж байгаарай. Уулзаад чинийхээ амьдралыг бүр илүү гайхалтай болгох болноо. 
 
Удаан байгааг мэдэж байнаа хайрт минь. Төсөөлснөөс ч илүү удаан юм. Гэхдээ би энд байгаа шүү. Чамтайгаа яг одоо ярилцан сууна. Би хаашаа ч биш зөвхөн чамруугаа л очиж явна.

Битгий бууж өгөөрэй. Одоо багахан л хугацаа үлдсэн.

Хараахан уулзаж амжаагүй байгаа хайртаас чинь.

(Жич: Дээрхийг би бичээгүй шүү, хөөрхөн санагдаад Англи хэлнээс хөрвүүлэн орууллаа)

Эх сурвалж: A Letter from the love you haven't met

Инээмсэглээрэй,

Nikki нь.

2014 оны 4 сарын 26

Бүхий л асуудлыг шийдэгч

Тэр бол хүнсний сод. Хүнсний сод-г юунд хэрэглэвэл сайн гээч? Идэхээс бусад бүх зүйлд.

Сод-г хүнсэнд хэрэглэхээс илүүтэйгээр өөр ашигтай зүйлд хэрэглэвэл дээр биш гэж үү?  Миний хамгийн ихээр хэрэглэдэг арга гэвэл сод-оор нүүрэндээ маск тавих. Маск тавихад ус+сод, тэгээд л боллоо. 1 хоолны халбага хэмжээтэй сод-н дээрээсээ багахан ус хийж зуураад нүүрэндээ маск тавьж 20 орчим минут болгоод угаахад л болно. Тослог, холимог арьсанд тохиромжтой. Холимог арьстай бол T-Zone хэсгээрээ л тавина шүү, хуурайшуулах магадлалтай учраас. Маскаа тавьсны дараа чийгшүүлэх тосоо сайн түрхээд өгөөрэй, коконатын тос байвал бүр онц. Коконатын тосны талаарх бичлэгийг маань уншихийг хүсвэл ийшээ: Коконатын тос

Дээрх арга үнэхэээээээээр үр дүнтэй байдаг шүү. Арьс гуужуулна, нүх агшаана, тослог багасгана бас юм гарах гээд байдаг асуудалтай арьсанд тустай.Сүүлийн 3 сар оpчим яг энэ маскаар л би дагнаж байна. За тэгээд өөрөөр хэрэглэж болох аргуудыг жагсаавал:

• Цайруулахын тулд бага зэрэг нимбэгний шүүстэй хольж шүдээ үрэх;
• Хоолой өвдөхөд аяга усанд 1 жижиг халбага сод хийж найруулаад хоолойгоо зайлах;
• Нүүр болон арьсны гуужуулагч/скраб хийх;
• Наранд болон халгайд түлэгдэх, шавьжинд хазуулсан үед түрхэх;
• Хоол хийсний дараа ч юмуу гарнаас хоолны үнэр салахгүй байх тохиолдолд гараа зайлах;
•  Хүүхэд живхнээсээ харшлах тохиолдолд ванн-тай усанд нь 2 хоолны халбагыг хийх;
• Цээж хорссон үед тал амны халбаганы хэмжээтэйг аяга усанд найруулж уух;
• Биеийн арьсаа илүү булбарай болгохыг хүсвэл ваннтай усандаа хийх;
• Бэлгэнд авсан цэцгээ удаан хадгалахын тулд ваарандаа бага зэргийг нэмэх;
• Хөргөгчнөөс эвгүй үнэр үнэртэж байвал хөргөгчиндөө байрлуулах;
• Угаалтуур доогуур болон доод зоорийн давхарт шавьж үүрлэхээс сэргийлж байрлуулах;
• Муур тэжээдэг бол муурныхаа хогийн саванд үнэр үүсэхээс сэргийлж хийх;
• Жимс, ногоогоо багахан сод-той усанд зайлж, цэвэрлэх;
• Угаалгын өрөөний эд хэрэглэлийг үрж цэвэрлэх;
• Плитка болон зууханд тогтсон арилахгүй байгаа зүйлсийг сод-р үрэх;

Гэх мэтчилэн маш олон аргаар хэрэглэж болох энэхүү ид шидийн зүйлд талархаад баршгүйнээ. Хамгийн гол нь хаанаас ч авч болох гарын доорх материал.

Хэтэрхий энгийн хэрнээ амьдралд маш том байр суурь эзлэх ёстой эд шүү. Хайрлаж бас талархаж яваарай. Асуудал тулгарвал сод-руугаа л гүйдгийм шүү :P

Инээмсэглээрэй,

Nikki нь,

2014 оны 4 дүгээр сар 25

 

Дуртай

Coffee- Шинэхэн латте, карамел макиато. Аяаяа... үнэр нь! Кофе шоп-д тэндхийн аяганд биш цаасан аяганд нь уух дуртай.

Good music- Маш ховор тохиолдолд л дууг анх сонсоод дурладаг. Ихэвчлэн дуунд дасаж дурладаг гэх үү дээ. Вeats ихтэй юмуу хэмнэлтэй дууг илүү сонсоно. Бүжиглэнэ гэж байгааааа.  

Rainy day/snow- Бороо шивэрсэн бүрхэг өдөр цаанаа л нэг гоё, худлаа хөнгөн гунигтай.

Cheesecake- Нью Йорк стилийн! Хажууд бас бүтэн бялууны хэмжээтэй whipped-cream байвал ч..    

Roller coaster- Хамгийн өндрөөс унадаг нь, хамгийн хурдан нь байвал бүр сайн.

Red- Гутал, даашинз, хумсны болон уруулын будаг, алчуур, тавилга, цаас, хоол, дэвтэр, бал юу ч байсан улаан өнгөтэйг нь л түрүүлж сонгоно.

Sleeping in- Амралтын өдөр хэдхэн минут илүү унтах. Айхтар нойртой хүн биш болохоор хэдхэн минут илүү унтахад л удаан амарсан юм шиг санагддаг.

"Sex and the City"- Аль ч ангийг нь үзсэн анх үзэж байгаа юм шиг.

Making people happy- Хүмүүсийг баярлууллаа гэсэн бодол. Багахаан ч хамаагүй зүйл хийгээд хэн нэгнийг баярлуулахад өөрөө түүнээсээ маш их энерги авч байгаагаа мэдэрдэг.

Men’s fragrance- Эмэгтэй уснаас илүү эрэгтэй усанд дуртай. Giorgio Armani-н “Acqua Di Gio”, Chanel-н “Allure Homme Sport”. Ммммм..

ТА НАРЫН ХАМГИЙН ДУРТАЙ ЗҮЙЛС ЮУ ВЭ?

Инээмсэглээрэй,

Nikki нь,

2014 оны 4 дүгээр сар 24