All Time Favorite

Би аливаа зүйлээс, ялангуяа дуунаас их хурдан уйддаг. Гэхдээ бас хэзээд ч сонссон сэтгэлд ойрхон, өнгөрсний нэг дурсамжийг шууд л буцаагаад аваад ирдэг хэдэн дуу байдаг. Минийх:

  

1. 3 Doors Down- Here Without You

Анх сонсчихоод нэрийг нь мэддэггүй. Үгээр нь хайж олж байснаа санадаг. Дууных нь утга гэхээсээ илүү ая-г нь сонсохоор хамаг  бие сонин болчихдог.  

2. Flo Rida- Wild Ones 

Явж эхлээд шууд Лос Анжелес хотыг нүдэнд харагдуулдаг дуу. Тэнд амьдардаг байхад анх цацагдаж байсан байх. Тэгээд л байнга ФМ-ээр явна. Ядахад тэндхийн ФМ-үүд хит болж байгаа хэдэн дуугаа залхтал явуулдагийг хэлэх үү. Гэхдээ яагаад ч юм энэ дуунаас залхаагүй. Залуу нас, наргиан хөгжилдөөн, бүжиг, коктейл, нар, далай, парти..

  3. Lil Wayne- How to Love
 

Анх сонсдог өдөр их бороотой  байсан. Саарал, шаагисан бороотой өдөр машинаа бариад ганцаараа. Цаанаа л нэг хөнгөн гунигтай аааая хэхэх... Нэг удаа энэ дууг сонсож дуусгана гээд танихгүй хүний машинаас буухгүй байсан гэж манай нэг найз намайг шоолоод байдын хэхэхэ..

4. Beyonce – Listen

Нилээн дээхэн үеийн дуу тэ. “Dream Girls” киног үзсэнээс хойш дуртай болсон. 

5. Armin Van Buuren – In and Out of Love

Нэг хэсэг байнга л транс, электро, техно дуу сонсдог болсон байж билээ. Гэхдээ энэ дуунаас ердөө ч залхдаггүй. Энэ чиглэлийн дуунуудын өвөө, эмээ болсон дуу байх. Гэртээ тавиад бүжиглэдэг байснаа санаж байна.

Инээмсэглээрэй,

Nikki нь.

2014 оны 4 дүгээр сар 3